କୋଟପାଡ଼ ଏନଏସିରେ ଗଣଦୌଡ଼

ଦେଶଦୁନିଆ ଖବର24 : କୋଟପାଡ଼ ସହରକୁ ସ୍ୱଚ୍ଛ ଓ ପଲିଥିନ ମୁକ୍ତ ବାର୍ତ୍ତା ନେଇ କୋଟପାଡ଼ ବିଜ୍ଞାପିତ ଅଞ୍ଚଳ ପରିଷଦ କାର୍ଯ୍ୟାଳୟ ଦ୍ୱାରା ସଖାଳୁ ସଖାଳୁ ଏକ ଗଣଦୌଡ଼ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି l କାର୍ଯ୍ୟକ୍ରମକୁ କୋଟପାଡ଼ ଏନସି ଅଧକ୍ଷ ଏମ. ଶଙ୍କର ରାଓ ସବୁଜ ପତାକା ଦେଖାଇ ଶୁଭ ଉଦଘାଟନ କରିଥିଲେ l ଏହି ଗଣଦୌଡ଼ କୋଟପାଡ଼ ବିଜ୍ଞାପିତ ଅଞ୍ଚଳ ପରିଷଦ କାର୍ଯ୍ୟାଳୟ ଠାରୁ ବାହାରି ସହର ଉପକଣ୍ଠରେ ଥିବା ମା'ବ୍ରାହ୍ମଣଦେଇ ମନ୍ଦିର ରେ ସମାପ୍ତି ଘଟିଥିଲା l ବ୍ୟସ୍ତ ବହୁଳ ସମାଜରେ ପ୍ଲାଷ୍ଟିକ ଓ ପଲିଥିନର ବ୍ୟବହାର ଦିନକୁ ଦିନ ବଢୁଥିବା ବେଳେ, ପରିବେଶ ଓ ଜଳବାୟୁ ଉପରେ ଏହାର ବହୁ କୁପ୍ରଭାବ ଦେଖିବାକୁ ମିଳୁଛି l ପ୍ରଶାସନ ଦ୍ୱାରା ବିଭିନ୍ନ ସଚେତନତା ମାଧ୍ୟମରେ ଜନସାଧାରଣଙ୍କୁ ପଲିଥିନ ବ୍ୟବହାର ନ କରିବା ପାଇଁ ବାରଣ କରାଯାଉଥିଲେ ମଧ୍ୟ ଜନସାଧାରଣ ବୁଝିବାକୁ ନାରାଜ l ହୋଟେଲ ଠାରୁ ଆରମ୍ଭ କରି ବ୍ୟବସାୟିକ ପ୍ରତିଷ୍ଠାନ, ଯେଉଁଠି ଦେଖିବ ପଲିଥିନର ବହୁଳ ବ୍ୟବହାର l ଜନସାଧାରଣ ଏଥିରୁ ନିବୃତ ରହିବା ପାଇଁ କୋଟପାଡ଼ ବିଜ୍ଞାପିତ ଅଞ୍ଚଳ ପରିଷଦ ଦ୍ୱାରା ଆଜି ଏକ ସଚେତନତା ଗଣଦୌଡ଼ ଅନୁଷ୍ଠିତ ହୋଇଥିଲା l ସଚେତନତା ମାଧ୍ୟମରେ ଅଞ୍ଚଳକୁ ପଲିଥିନ ମୁକ୍ତ କରିବା ଏହି ଗଣଦୌଡ଼ର ଉଦେଶ୍ୟ ବୋଲି ପରିଷଦର ନିର୍ବାହୀ ଅଧିକାରୀ କମଲେଶ ମହନ୍ତ ଓ ଉପସ୍ଥିତ ବୁଦ୍ଧିଜୀବୀମାନେ ପ୍ରକାଶ କରିଛନ୍ତି l ଏହି ଗଣଦୌଡ଼ରେ ଏସି ଅଧକ୍ଷ ଏମ. ଶଙ୍କର ରାଓ, ସାଂସଦ ପ୍ରତିନିଧି ମିନୁ ରଥ, ସମାଜସେବୀ ଗଣେଶ ଚନ୍ଦ୍ର ପଣ୍ଡା, ପୂର୍ବତନ ବିଧାୟକ ଚନ୍ଦ୍ର ଶେଖର ମାଝୀ, କୋଟପାଡ଼ ବାର ଆସୋସିଆସନ ସଭାପତି ମଣି ପଟନାୟକଙ୍କ ସହ ସମସ୍ତ କାଉନସିଲର,ଅଞ୍ଚଳବାସୀ,ବୁଦ୍ଧିଜୀବୀ,ବିଦ୍ୟାଳୟର ଛାତ୍ରଛାତ୍ରୀ ଓ ବିଶିଷ୍ଟ ବ୍ୟକ୍ତି ବିଶେଷ ଯୋଗ ଦେଇଥିଲେ l ଏହି ଗଣଦୌଡ଼ରେ ପ୍ରଥମ ସ୍ଥାନ ବସନ୍ତ ପୂଜାରୀ, ଦ୍ଵିତୀୟ ସ୍ଥାନ କବିରାଜ ମାଝୀ ଓ ତୃତୀୟ ସ୍ଥାନ ଅର୍ଜୁନ ଭତରା ଅଧିକାର କରିଥିଲେ l ସମସ୍ତ ସଫଳ ପ୍ରତିଯୋଗୀଙ୍କୁ ସ୍ୱୟତ ଶାସନ ଦିବସ କାର୍ଯ୍ୟକ୍ରମରେ ପୁରସ୍କୃତ କରାଯିବ l କାର୍ଯ୍ୟାଳୟର ସମସ୍ତ ସଦସ୍ୟ କାର୍ଯ୍ୟକ୍ରମକୁ ସଫଳତା କରିବାରେ ପୂର୍ଣ୍ଣ ସହଯୋଗ କରିଥିଲେ l